教育王國

標題: 請問..我的成績是否可以參加自行? [打印本頁]

作者: vincychy 時間: 12-1-14 12:11 標題: 請問..我的成績是否可以參加自行?

小五第一呈分:
中:B
英:B
數:B
常:B
小六第一:
中:B
英:B
數:C
常:A

我想問,如果自行兩間都唔收,咁統一係唔係系葵青(我住葵青)亂咁比間我?
我媽咪係咁講...但係我想參加自行:(
佢幫我簡左吳祥川同顧超文..
請大家幫幫手:(
THX!

作者: smallfoothk 時間: 12-1-14 12:45

其實你成績都不差,好平均band B,咁你想不想吳祥川同顧超文..都是band 2
???

作者: vincychy 時間: 12-1-14 12:50

我為左參加自行同呀媽鬧交><佢好堅持如果自行兩間都唔收,咁統一係唔係系葵青(我住葵青)亂咁比間我...
我又唔係咁想入吳祥川........

作者: smallfoothk 時間: 12-1-14 12:59

本帖最後由 smallfoothk 於 12-1-14 14:04 編輯

你的堅持,你的承諾????你能做到嗎?

作者: vincychy 時間: 12-1-14 13:04

佢接受我話蘇淅,但係...我真係好想試下自行,唔想統一,但係自行真係自行兩間都唔收,咁統一係亂咁比間我?

作者: ^^. 時間: 12-1-14 13:41

本帖最後由 ^^. 於 12-1-14 14:07 編輯

當然要試，你的成績其實不弱，祇要面試表現理想，能夠顯示你的實力，自行也有機會的。

況且，自行兩間若不成功，那又如何？唔試過又點知道唔得啫，試過了就再沒有遺憾！至少，可以得到面試的經驗，沒有損失呀！

至於統一派位，是跟你的Banding 和選校意願，祇要配對得啱，一般都唔係亂咁派的。當然，結果未必是你最心儀的學校。倘若中央派位不理想，你還可以在放榜後到你喜歡的學校扣門。所以，你要繼續努力，在第三次呈分試成績有進步的話，還有很多選擇的。現在先下點工夫，搜集心儀中學的資料，按其入學要求，檢視自己可以如何裝備。加油！

你在這裏提問，表示你關心自己的前途，你有心、有主見，好叻！我很欣賞你的主動，祝你成功！

作者: elbar 時間: 12-1-14 14:04

vincychy 發表於 12-1-14 12:11
小五第一呈分:
中:B
英:B

自行首選可一試以中學

作者: vincychy 時間: 12-1-14 14:16

多謝你地~:)

作者: nganc9 時間: 12-1-14 15:05

自行只佔30%學位, 70%留給統一派位, 故统一派位未必派得唔好.
而統一係跟小學校校網並非住址, 如你的小學不是葵青區校網, 就唔係派葵青區中學.

作者: CS0316 時間: 12-1-14 15:22

雖然話統一派位係好睇你好唔好彩, 但也不至於亂派, 亦耍睇你點填.電腦你會跟據你的BANDING 及你個人的NUMBER來抽, 所以唔一定唔好!!

作者: vincychy 時間: 12-1-14 18:18

媽咪始終都唔比我參加自行....冇希望lu...我想試下面試...一生人得一次機會咋.....

作者: twcho 時間: 12-1-14 18:49

本帖最後由 twcho 於 12-1-14 18:54 編輯

你媽咪似乎不太明白派位機制。自行階段與統一派位階段是獨立運作的，自行派位所選的學校是優先於統一派位(即如獲取錄就不會參加統一派位)，統一派位是可以再選取自行所選的學校，機會並不會有所削弱。

作者: vincychy 時間: 12-1-14 18:59

我有問過老師架....同番媽咪講..但係佢仲係好堅持...唉,...

作者: khmama 時間: 12-1-14 21:35

回復 vincychy 的帖子

參加自行係比多o的機會你考心儀學校, 統一派位要填30個志願, 唔係亂派比你, 只要唔好亂填就得, 究竟你係咩banding? 有冇直屬中學? 你媽咪堅持既理據係咩? 我都有朋友唔參加自行, 諗住抽獎算數, 因為成績太差, 個媽咪冇心機去搞.

作者: vincychy 時間: 12-1-14 22:01

我係band2頭-中.....呀媽話我有數學e科c唔比

作者: vincychy 時間: 12-1-14 22:09

之前我班主任同過我媽咪傾架啦...但係媽咪鬧番個班主任...搞到我都唔好意思....

作者: khmama 時間: 12-1-14 22:18

回復 vincychy 的帖子

你都幾識諗. 咁啦, 你同媽咪講話你中英文成績都見得人(係唔係?), 應承佢下次o的數考好o的, 如果唔係直資, 面試唔會見埋家長, 佢唔使驚喎, 你都唔怕去同人爭, 唔爭過又點知唔得? 做阿媽既受軟唔受硬架, 你氹下佢就得架啦, 千祈唔好同佢硬拚.

作者: vincychy 時間: 12-1-14 22:36

好呀....但係佢之前話過面完試之後D學校會話個呀媽得但係個女唔得...

作者: khmama 時間: 12-1-14 22:43

回復 vincychy 的帖子

你媽咪梗係o的數好叻, 所以接受唔到你數學得個C, 呢o的有遺傳嘛.

你咪用行動証明比佢睇囉. band2中至頭都唔係好差啫, 比o的心機第三次呈分仲有得追.

作者: vincychy 時間: 12-1-14 22:47

佢話唔得點解一定要去做呢.....

作者: khmama 時間: 12-1-14 22:53

回復 vincychy 的帖子

因為做人最緊要輸得起, 一次既數學攞C唔等於你自行一定失敗, 敢於嘗試既人先會成功希望, 害怕失敗既人先係最失敗. 你都係想為自己既成績去承担升中後果, 既然有得去選擇點解要放棄?

作者: vincychy 時間: 12-1-14 23:05

岩岩照住你講...但係媽咪話:你有科C去到間間都唔收你,入燕京啦!燕京實收,你依家唔好同我講野!你溫好D書先!.....唉....

作者: khmama 時間: 12-1-14 23:10

回復 vincychy 的帖子

邊個話有科C就間間都唔收, 報得BAND2學校有C一o的都唔出奇. 還掂未截止, 你做番兩日乖女先再講. 你媽咪最聽邊個話? 你搵個第三者同佢講啦, 你講咩佢都唔會聽.

作者: vincychy 時間: 12-1-14 23:12

我媽咪最聽自己話><

作者: joeiu1965 時間: 12-1-14 23:17

Vincychy 其實你可以試下揀葵涌區，因為青衣唔夠中學可以揀葵涌如：陳兆民、位瑜如夫人中學，石籬天主教都是band 2幾好的中學。試吓同媽媽坐下來或者找其他媽媽信任的人幫口，平心静氣。你已经好叻，識得為自己前途緊張。你是否讀青衣區小學？我住青衣對區內小學都識少少，希望幫到妳！努力考好第三次呈分試小心在統一揀學校。加油！！

作者: khmama 時間: 12-1-14 23:19

回復 vincychy 的帖子

總有o的姨媽姑姐,親朋戚友佢肯聽既. 真係冇辦法就祈禱啦, 除咗神冇人可以比到神績比你.

作者: vincychy 時間: 12-1-14 23:20

係呀.....媽咪最信都係佢自己><.....我讀東華三院周演森小學~

作者: vincychy 時間: 12-1-14 23:23

咁又係....

作者: vincychy 時間: 12-1-14 23:26

其實東華三院周演森小學算唔算係一暑好學校?~

作者: vincychy 時間: 12-1-14 23:30

*其實東華三院周演森小學算唔算係一間好學校?~

作者: vincychy 時間: 12-1-17 20:45

我比左E個網媽咪睇,已經可以自行啦~~!!!

歡迎光臨教育王國 (/)